သူမလေးနှင့် သင်္ကြန်

မင်္ဂလာပါရှင်....နှစ်သစ်မှာ မင်္ဂလာအပေါင်းနှင့် ပြည့်စုံပြီး ပျော်ရွှင်ချင်းမြေ့ကြပါစေရှင်။ အခုချိန်မှာ သူမလေး ထိုင်ရမလိုထရမလိုနဲ့လူကဘယ်လိုကြီးမှန်းကိုမသိဘူး။ လူလည်းအတော်ပင်ပန်းနေတယ်၊ ၁၂ရက်နေ့က သင်္ကြန်လည်လိုက်တာ ဘာဖြစ်လာမှန်းကိုမသိပါဘူး။ လည်တယ်ဆိုပေမယ့် ဘယ်မှသိပ်မရောက်ဖြစ်ပါဘူး၊ မိုးမိလို့ထင်တယ် လူကအရမ်းနဲ့ပင်ပန်းနေတယ်။ သင်္ကြန်ပွဲလုပ်တဲ့ကွင်းထဲတော့မရောက်ဖြစ်ဘူး၊ အပြင်ကနေကြည့်တာကိုတော်တော်စိတ်ပျက်တာနဲ့ ပြန်လာခဲ့တယ်။ အကိုတွေက မ၀င်ခိုင်းတာလည်းပါတာပေါ့။ မိုးကလည်းရွာ၊ ရေတွေကလည်းဆော့ထားပြန်တော့ အ၀င်ဝမှာတင် ရွံ့တွေကကြိုနေတယ်။ အင်း ဘာလိုလိုနဲ့ ဒီကိုရောက်တာ၂နှစ်တောင်ပြည့်တော့မှာပါလား။ လွမ်းတယ် မေမေရေ၊ ပြန်ချင်တာ အရမ်းပဲ အိမ်ကို တချိန်လုံးဖုန်းဆက်နေတာ။ အခုဆိုအိမ်မှာလူစုံနေတယ်၊ ညီမလေးတွေလည်းရောက်နေတယ်၊ ဦးလေးတွေ၊အဒေါ်တွေရောရောက်နေတော့ ပျော်စရာကြီးနေမှာ။ သူမလေးတစ်ယောက်ပဲ မပါတယ်၊ဆိုးလိုက်တဲ့အဖြစ်။

သူမလေး သင်္ကြန်ကိုမချစ်ပါဘူး၊ သင်္ကြန်ခရေဇီတယောက်လည်းမဟုတ်ဘူး။ ဟိုမှာနေတုန်းကလည်းတခါမှမလည်ဖူးဘူး၊သင်္ကြန်ရောက်ရင်မေမေတို့နဲ့လိုက်ပြီးတရားစခန်းဝင်ပါတယ်။ တရားစခန်းဝင်တယ်ဆိုလို့ အထင်မကြီးလိုက်ကျပါနဲ့...ဟီ။ နာမည်ခံယောဂီပါ၊ သင်္ကြန်နားနီးရင် အိမ်နားက အဖွားတွေကို မေမေက ကုသိုလ်လုပ်တဲ့အနေနဲ့ ပြင်ဦးလွင်မှာ ၇ရက်စခန်း လုပ်ပေးပါတယ်။ မေမေတို့အဖွားတို့လည်းသွားတော့ သူမလေးတို့ညီအမတွေပါ လိုက်ပြီးရှုတ်ကျတာပေါ့။ မေမေဘယ်သွားသွားတကောက်ကောက်လိုက်တက်တာ အကျင့်မို့တရားစခန်းဝင်တာတောင်လိုက်ရှုတ်ကျတာပါ။ ပျော်တော့ပျော်စရာကြီး မောင်နှမတတွေတပြုံကြီး၊ အဒေါ်တွေလည်း မလည်ရဘူး သူမလေးတို့ကို ထိန်းဖို့လိုက်လာရတယ်။ သင်္ကြန်အကြိုနေ့မရောက်ခင်တရက် အလိုမှာ ပြင်ဦးလွင်ကိုသွားကျတယ်။ အဖွားတွေကကားတစီး၊ သူမလေးတို့ကလေးတွေကကားတစီးသက်သက်စီသွားကျတယ်။ မဟုတ်ရင် အဖွားတွေမျက်စေ့နောက်မှာဆိုးလို့တဲ့ မေမေက သူ့သမီးတွေအကြောင်းသူသိတယ်...ဟီ။ သူမလေးတို့ကားပေါ်မှာ ရေသေနပ်၊ ရေဖလား အစုံပါတယ်။ လမ်းမှာတွေ့တဲ့လူတွေကို လိုက်ပတ်တာပါ။ ပျော်ဖို့အရမ်းကောင်းတယ်။ အဲ့ထဲမှာ သူမလေးက ကလေးဗိုလ်ပေါ့။ တကားလုံးဆူညံနေတာပဲ....သီချင်းသံတွေရော လူသံတွေရော ဘာတွေမှန်းကိုမသိဘူး။ တော်သေးတာနော် တရားစခန်းသွားလို့....မဟုတ်ရင်တော့မလွယ်ဘူး။ ဘုန်းကြီးကျောင်းမှာလည်း သူမလေးတို့ ပဲရှိတာလေ၊ မြို့ ထဲက ဖွားဖွားသူငယ်ချင်းနည်းနည်းတော့တရားစခန်းလာဝင်ကျတယ်။ ဒါပေမယ့် သူမလေးတို့အကြောင်းသိနေတော့ ဘာမှမပြောပါဘူး။ ဘုန်းဘုန်းကလည်း ကလေးတွေဆိုပြီးလွှတ်ပေးထားတယ်။ သူမလေးကလည်း ကလေးတွေနဲ့ရောပြီးကလေးလုပ်နေတာ ညနေဆိုလည်းထမင်းစားတာပဲ။ တရားချိန်တနေ့မှာ ၇ချိန်ရှိတာကို၃ချိန်ပဲဝင်ပါတယ်။ ဒါတောင်မေမေက မ၀င်မနေရအမိန့်ထုတ်ထားလို့ ၀င်ရတာပါ။ မနက်အစောကြီးအချိန်ကျလည်းမထနိုင်လို့၊ နေ့လည်ဆွမ်းစားပြီးအချိန်ကျလည်း ထမင်းစားပြီးစ အိပ်ငိုက်မှာဆိုးလို့နဲ့အမျိုးမျိုးလှည့်ပတ်ဂျီကျနေတာပါ။လူကြီးတွေလစ်ရင်လစ်သလို ထီးလှိုင်တို့ ဒီဇင်ဘာတို့မှာ လည်းမုန့်သွားသွားစားကျပါသေးတယ်။ တော်တော်ဆိုးတဲ့ကလေးတွေနော်။ သင်္ကြန်နောက်ဆုံးနေ့ဆိုသူမလေးတို့ညီအမတွေအမြဲငိုရတက်ပါတယ်။ အဲ့ဒါ ၁နှစ်ထဲမဟုတ်ဘူး။ နှစ်တိုင်းပဲ.... တခုမဟုတ်တခုဖြစ်ပြီးငိုရတာပါ။ မနှစ်သင်္ကြန်တုန်းက သူမလေးက ၁၈ရက်နေ့မှာ စာမေးပွဲရှိတော့ နောက်ဆုံးနေ့တနေ့လုံးစာအုပ်ပုံကြားထဲမှာ အိပ်ငိုက်နေရတယ်...အဲ ဟုတ်ပါဘူး တနေကုန်စာတွေကျက်နေရတာကိုပြောတာပါ။ ဟီ...နောက်နေ့စာမေးပွဲဖြေပြီးဖုန်းဆက်ကြည့်တော့ ကိုယ်က ဘာမှမမေးရဘူး ညီမလေးတွေက မမ မနေ့ကအိုကေလားတဲ့၊ သမီးတို့တော့မအိုကေဘူး ငိုရတယ်တဲ့။ ဟဟ ဘယ်လိုဖြစ်တာလည်းဆိုတော့ တယောက်က တရားချိန်မှာ မုန့်ခိုးစားလို့တဲ့၊ နောက်တယောက်ကကျ အိပ်ငိုက်နေလို့ ဘုန်းဘုန်းက ဆူလိုက်တာတဲ့။ အဲ့ဒါကြောင့်ညီမနှစ်ယောက်လုံးငိုရတယ်တဲ့။ ဟဟဟ ဖြစ်ရမယ်....မနှစ်က တရားစခန်းက ပြင်ဦးလွင်မှာ မဟုတ်ဘူးလေ...ကျောက်မဲနားက သုံးဆယ်ရွာမှာလုပ်ဖြစ်တာပါ။ ပြင်ဦးလွင်က ဘုန်းဘုန်းကတော့ သူမလေးတို့အကြောင်းသိနေတော့လွှတ်ထားတာ၊ အခုသုံးဆယ်က ဘုန်းဘုန်းက စည်းကမ်းကြီးတော့ မရတော့ဘူး။ အဖြစ်ကအဲ့လိုပါ... သူမလေးတော့ ငိုရဘူးပေါ့...ဒါပေမယ့် ညီမလေးတွေငိုရတယ်ဆိုတော့ စိတ်မကောင်းဖြစ်ပြီးမျက်ရည်ကျမိပါတယ်။ ဒီနှစ်လည်းဘယ်လိုလာအုံးမယ်မသိဘူး။ မေမေတို့ဒီနှစ်တရားစခန်းမလုပ်ဖြစ်ဘူးတဲ့။ ညီမလေးတွေကလည်းကျောင်းပိတ်ရက်ကသိပ်မရတော့၊ အိမ်မှာမနေဖြစ်တာလည်းကြာပြီမို့အိမ်မှာပဲနေချင်တယ်ပြောလို့မသွားဖြစ်တော့ဘူးတဲ့။ ကောင်းပါတယ် သူမလေးလည်း ညီမလေးတွေ၊မောင်လေးတွေနဲ့အတူအိမ်မှာနေချင်လိုက်တာ။သင်္ကြန်အတက်နေ့မှာ ညီမလေးတွေရော သူမလေးပါ မငိုရပါစေနဲ့လို့ ဆုတောင်းရင်း....အားလုံးအားလုံးပျော်ရွှင်စရာ နှစ်သစ်လေးကိုပိုင်ဆိုင်နိုင်ပါစေလို့....